مش هقول انها نغمة منتشرة اليومين دول
بس هقول انها حلم كل واحد فينا بعد او قرب يتمناها من الله عز وجل
بس الفكرة استشهد اه ومعروف ان الشهيد في جنات ونهر
بس أني استشهد وسايب ورايا اب محتاجلي أخوات محتاجلي او ام انا ابنها الوحيد
هل يعتبر دا استشهاد ؟
طبعا ناس كتير هتتهمني بالسلبية - يعني كدا الواحد مايحافظش علي حقه او يطالب بيه :/ ياسيدي الفاضل أبدا
لان الساكت عن الحق شيطان اخرس
بس برضه لا تلقي بأنفسكم الى التهلكة يعني معنى دا ابقي جبان واقعد في البيت أولول والناس بتموت نرجع تاني ونقول لا ياسيدي الفاضل ولكن بدل انت رجل ذو صوت مسموع وذو شخصية مؤثرة ليه ماتنزلش وتحافظ علي نفسك علشان تكون مرة وتانية وتالتة بطالب بالحق وتقف في وش الظلم
ليه ماتنزلش وفي نفس الوقت تعمل اللي عليك دراسة - عمل - بر بعيلتك - كتابات ..... الخ
ليه تناضل تناضل وتكتفي بالموت
ليه ماتناضلش وفي نفس الوقت تقعد علي قلب اللي مش عاجبهم
لان ربنا هيسإلنا عملت ايه ؟
استشهدت في سبيل الحق :) تمام جداً
وأمك وأختك وأبوك وبلدك طيب هل رجعت الحق بموتك كله ؟
لا ؟؟
ممكن تفكيري بارد شوية بس اهم ثروة انتجت ثورة هي الشباب طيب لو راح الشباب هننكمل اه بس مش بنفس الروح
والواقع المرير انك ستذكر رقم بعد كدا ولكن طبعا ربنا مش ناسيك
ولكن لو عملت واشتغلت وشاركت ونزلت هت تعرف بالاتنين .. اكيد مش رياء ولكن نيتك عند الله
حافظ علي نفسك لان دا بيقوينا مش بيضعفنا لأنك قاعد علي الانفاس
محقق لاحلامك
يارب توصل الفكرة :)
اللهم لا تدعني في غمرة ولا تأخذني في غرة ولا تجعلني من الغافلين
